Իսպանական «Բարսելոնայի» նախագահ Ժոան Լապորտան ընտրել է Սաուդյան Արաբիայի իր սիրելի ակումբը։
«Ո՞րն է իմ սիրելի ակումբը Սաուդյան Արաբիայում: «Ալ-Նասրի» և «Ալ-Հիլալի» միջև ես ընտրում եմ «Բարսելոնան»», – Լապորտայի խոսքերն է մեջբերում Managing Barca-ն:
Հիշեցնենք, որ 2023 թվականի հունվարին պորտուգալացի Կրիշտիանու Ռոնալդուն տեղափոխվեց Սաուդյան Արաբիա։ Դրանից հետո լիգա գնացին այնպիսի աստղային խաղացողներ, ինչպիսիք են Ալեքսանդր Միտրովիչը, Նեյմարը, Մալկոմը, Կարիմ Բենզեման, Կալիդու Կուլիբալին, Սադիո Մանեն և այլք։ Ընդհանուր առմամբ, սաուդյան ակումբներն ամռանը տրանսֆերների վրա ծախսել են 1 միլիարդ եվրոյից մի փոքր ավելին:
