Մյունխենի «Բավարիան» շարունակում է ուսումնասիրել իսպանական Լա Լիգայի տրանսֆերային շուկան։
«Գրանադայից» ձախ եզրային հարձակվող Բրայան Սարագոսայի տեղափոխությունից հետո Թոմաս Տուխելի թիմն իր ջանքերը կկենտրոնացնի «Ռեալ Սոսյեդադի» կիսապաշտպան Մարտին Սուբիմենդիի գործարքի վրա:
Լրագրող Ֆրանկ Լինկեշի կարծիքով՝ Սուբիմենդիի ամառային տրանսֆերը կախված է նրանից, որ հունվարին «Բավարիան» կամրապնդի կիսապաշտպանի դիրքերը։ Մնում է սպասել՝ ակումբը կարճաժամկետ տարբերակ կփնտրի, թե մշտական հիմունքներով խաղացող կգնի:
Հիշեցնենք, որ Սուբիմենդիի պայմանագրով նախատեսված է 60 միլիոն եվրո փոխհատուցում։
