«Միլանի» հարձակվողական ոճի կիսապաշտպան Քրիստիան Պուլիշիչը պատրաստ է մասնակցել «Ֆիորենտինայի» դեմ առաջիկա հանդիպմանը։ Այս մասին հայտարարել է «ռոսոներիների» գլխավոր մարզիչ Ստեֆանո Պիոլին։
Հիշեցնենք, որ Պուլիշիչը վնասվածք էր ստացել Չեմպիոնների Լիգայի նոյեմբերյան ՊՍԺ-ի դեմ խաղում և դրանից հետո բաց թողեց թիմի խաղը Ա Սերիայում և ԱՄՆ-ի հավաքականի հանդիպումները։
«Մենք աշխատում ենք իրավիճակը բարելավելու և վնասվածք ստացածների թիվը նվազեցնելու ուղղությամբ։ «Ֆիորենտինայի» դեմ խաղում կվերադառնան Պուլիշիչը, Կալաբրիան և Լոֆտուս-Չիկը: Լեաուն, Կյաերը և Օկաֆորը հասանելի չեն լինի»,- լրագրողներին ասել է Պիոլին:
