Մադրիդի «Ռեալի» գլխավոր մարզիչ Կառլո Անչելոտտին հայտնել է, թե երբ կիսապաշտպան Արդա Գյուլերը կկարողանա խաղադաշտ վերադառնալ վիրահատությունից հետո։
«Արդա Գյուլերը հիանալի մարզավիճակում է, բայց նրան մի քիչ ավելի շատ ժամանակ է պետք: Երևի տասը օր։ Նա ցանկանում էր այստեղ հանդես գալ մի փոքր այլ կերպ, բայց նա շատ երիտասարդ է։ Բավական ժամանակ ունի լավ հանդես գալու համար:
Շուտով նա պատրաստ կլինի և ցույց կտա իր անհավանական տաղանդը»,- մարզչի խոսքերը մեջբերում է լրագրող Ֆաբրիցիո Ռոմանոն։
