Մադրիդի «Ռեալի» մարզիչ Կառլո Անչելոտտին նախորդ ամսվա վերջին դարձավ Իսպանիայի առաջնության լավագույն մարզիչ։ Այս մասին հայտնում է Լա լիգայի պաշտոնական կայքը։
«Շնորհիվ Անչելոտիի ֆանտաստիկ ղեկավարության՝ Մադրիդի «Ռեալը» հիանալի սկսեց մրցաշրջանը՝ երեք հաղթանակ տանելով: Այս արժանիքների համար Կառլո Անչելոտին ճանաչվեց ամսվա լավագույն մարզիչ»,- գրել է Լա Լիգայի մամուլի ծառայությունը։
Հիշեցնենք, որ մեկնարկային երեք տուրերում Մադրիդի «Ռեալը» հաղթել էր «Աթլետիկին» (2:0), «Ալմերիային» (3:1) և «Սելտային» (1:0): Հավելենք, որ սեպտեմբերի սկզբին «Լոս Բլանկոսը» հաղթեց չորրորդ անընդմեջ խաղում՝ ուժեղ գտնվելով «Խետաֆեից» (2:1):
