«Ռենը» հայտարարել է իր վինգեր Ժերեմի Դոկուի «Մանչեսթեր Սիթի» տրանսֆերի արժեքի մասին, հայտնում է ESPN-ը։

Աղբյուրի համաձայն՝ «քաղաքայինները» ակտիվորեն փոխարինող են փնտրում իրենց նախկին հարձակվող Ռիյադ Մահրեզին: Ֆրանսիական ակումբն իր հերթին պատրաստ է բաժանվել 21-ամյա Դոկուից առնվազն 52 միլիոն եվրոյի դիմաց, «Մանչեսթեր Սիթիի» ներկայացուցիչները նման գինը չափազանց բարձր են համարում։

2022/23 մրցաշրջանում Դոկուն «Ռենի» կազմում անցկացրել է 35 հանդիպում բոլոր մրցաշարերում՝ դառնալով 7 գոլի և 4 գոլային փոխանցման հեղինակ։ Ֆուտբոլիստի պայմանագիրը ֆրանսիական ակումբի հետ ուժի մեջ է մինչև 2025 թվականի հունիսի վերջը։ Ֆուտբոլիստի գնահատված արժեքը, Transfermarkt ինտերնետային պորտալի տվյալներով, կազմում է 28 միլիոն եվրո։