«Բարսելոնայի» հարձակվող Ուսման Դեմբելեն երկուշաբթի օրը կարող է բուժզննում անցնել և պայմանագիր կնքել «Պարի Սեն Ժերմենի» հետ, հայտնում է L’Equipe-ը:
Աղբյուրի փոխանցմամբ՝ ակումբները ներկայումս բանակցում են գործարքի վերջնական մանրամասների շուրջ։ Եթե ամեն ինչ ընթանա նախատեսվածի համաձայն, ապա երկուշաբթի ֆուտբոլիստը կկարողանա մասնակցել փարիզյան թիմի մարզմանը։
Ավելի վաղ հաղորդվում էր, որ փարիզցիները կակտիվացնեն 26-ամյա ֆրանսիացուն 50 միլիոն եվրոյի չափով գնելու տարբերակը։ Նա պայմանագիր կկնքի մինչև 2028 թվականը։
Անցած մրցաշրջանում Դեմբելեն «Բարսելոնայի» կազմում անցկացրել է 35 հանդիպում բոլոր մրցաշարերում՝ դառնալով 8 գոլի և 9 գոլային փոխանցման հեղինակ։
Transfermarkt-ը ֆուտբոլիստի արժեքը գնահատում է 60 միլիոն եվրո:
