Մյունխենի «Բավարիայի» վինգեր Լերոյ Սանեն կմնա ակումբում ևս մեկ տարի, հայտնում է Bayern & Germany-ն: Աղբյուրի փոխանցմամբ՝ 27-ամյա ֆուտբոլիստը որոշել է մնալ Մյունխենում։ Սանեն կարիերան շարունակելու տարբերակներ կփնտրի հաջորդ ամառ, երբ «Բավարիայի» հետ պայմանագրի ավարտին կմնա մեկ տարի:
Ավելի վաղ հաղորդվում էր, որ «Բարսելոնան» դիտարկում է Սանեին՝ Ուսման Դեմբելեին փոխարինելու համար։ Գերմանացի ֆուտբոլիստը «Բավարիայում» հանդես է գալիս 2020 թվականի ամառվանից։ Դրանից հետո նա անցկացրել է 133 հանդիպում, որոնցում խփել է 38 գոլ և կատարել 37 արդյունավետ փոխանցում։ Portal Transfermarkt-ը ֆուտբոլիստի արժեքը գնահատում է 65 միլիոն եվրո:
