«Յուվենտուսի» պաշտպան Լեոնարդո Բոնուչին լրջորեն դիտարկում է կարիերան Հոլանդիայում շարունակելու տարբերակը։
Ինչպես գրում է լրագրող Օրացիո Ակոմանդոն իր Twitter-ում, «Այաքսը» մտադիր է շուտով սկսել պաշտոնական բանակցությունները, իսկ Բոնուչին կողմ է Ամստերդամ տեղափոխվելու համար։
Բոնուչին 12 մրցաշրջան է անցկացրել «Յուվենտուսում»: Մի քանի տարի պաշտպանը եղել է թիմի ավագը, որի կազմում անցկացրել է ավելի քան 500 հանդիպում։ Անցած մրցաշրջանում 36-ամյա ֆուտբոլիստը ավելի քիչ էր խաղում խաղադաշտում՝ ոչ արդյունավետ խաղի և բազմաթիվ վնասվածքների պատճառով: Ինչպես հայտնում են իտալական լրատվամիջոցները, «Յուվենտուսի» մարզչական շտաբը Բոնուչիին ընդգրկել է այն ֆուտբոլիստների խմբում, որոնց հետ «ծեր սինյորան» հույսեր չի կապում։
