Իսպանացի դարպասապահ Դավիդ դե Խեան, ում պայմանագիրը «Մանչեսթեր Յունայթեդի» հետ ավարտվում էր հունիսի 30-ին, առաջարկ է ստացել սաուդյան «Ալ-Նասր» ակումբից, որի կազմում խաղում է պորտուգալացի Կրիշտիանու Ռոնալդուն, ով նախկինում նույնպես հանդես է եկել «մանկունիանցիների» կազմում, այս մասին հայտնում է AS-ը։
Աղբյուրի համաձայն՝ «Ալ-Նասրը» պատրաստ է 32-ամյա Դե Խեային շաբաթական վճարել մինչև 290 հազար եվրո։ «Մանչեսթեր Յունայթեդում» դարպասապահը ստանում է շաբաթական 403,65 հազար եվրո։ «Մանկունիանցիների» առաջարկած նոր պայմանավորվածությունների պայմաններով՝Դե Խեայի աշխատավարձը զգալիորեն կրճատվել է։
Նախկինում հաղորդվում էր, որ «կարմիր սատանաները», չնայած իսպանացու պայմանագրի ժամկետի ավարտին, պահանջում են, որ Դե Խեան դեռ չտեղափոխվի նոր ակումբ։ «Մանչեսթեր Յունայթեդը» կցանկանար նրան պահել որպես երկրորդ համար, եթե այս ամառ չհաջողվի ձեռք բերել այլ դարպասապահի:
