Մյունխենի «Բավարիայի» հարձակվող Սադիո Մանեի գործակալը՝ Բակարի Սիսեն, խոսել է ֆուտբոլիստի ապագայի մասին։
«Ես չեմ լսել Սաուդյան Արաբիայի կողմից որևէ հետաքրքրության մասին: Հստակ է, որ նա մնում է «Բավարիայում»: Նա 3 տարով պայմանագիր է կնքել։ Նա դրա վրա ծախսել է մեկ տարի և դեռ երկուսն ունի։ Այնպես որ, այո, առայժմ նա մնում է «Բավարիայում», – Սիսեի խոսքերն է մեջբերում ինսայդեր Ֆաբրիցիո Ռոմանոն։
2022/23 մրցաշրջանում Մանեն մասնակցել է 38 հանդիպման՝ դառնալով 12 գոլի և 6 գոլային փոխանցման հեղինակ։ Սենեգալցու պայմանագիրը «Բավարիայի» հետ նախատեսված է մինչև 2025 թվականի հունիսի 30-ը:
