«Մանչեսթեր Սիթիի» պաշտպան Ռուբեն Դիասը բարձր է գնահատել իր թիմի 2022/23 մրցաշրջանը։
«Յուրաքանչյուր մրցաշրջան տարբեր է։ Ամեն տարի մեր հիմնական փորձությունը մեր ունեցած ռեսուրսների հետ հավասարակշռություն գտնելն է: Կարծում եմ՝ բոլորս կարող ենք համաձայնել, որ այս մրցաշրջանում մենք հատուկ հավասարակշռություն ենք գտել։
Ես զգում եմ, որ քանի որ եկել եմ այս ակումբ, մենք ստեղծել ենք շատ լավ, հավասարակշռված և ուժեղ թիմ։ Մինչ այժմ մենք երկու տիտղոս ենք նվաճել։ Մենք ձգտում ենք վերջինիս և կանենք ամեն ինչ, որպեսզի հաղթենք»,- Դիաշի խոսքերն է մեջբերում ՈՒԵՖԱ-ի պաշտոնական կայքը։
