Մադրիդի «Ռեալի» նախագահ Ֆլորենտինո Պերեսը խոսել է Լա Լիգայի խաղերի ընթացքում ֆուտբոլիստների նկատմամբ սանձազերծվող ռասիզմի դրսևորումների մասին։
«Ուզում եմ հայտարարել, որ «Ռեալն» այլևս չի հանդուրժի մեր ֆուտբոլիստների նկատմամբ սանձազերծվող ռասիստական միջադեպերը։
Դրա համար անհրաժեշտ է փոխել մրցավարական կոմիտեի կառուցվածքը, որպեսզի մեղավորը պատասխանատվության ենթարկվի։
Հասարակությունը, որտեղ մենք ապրում ենք, արժանի չէ նման վերաբերմունքի։ Սպորտը մարդասիրական արժեքների պահպանման վայր է»,- ասել է Պերեսը: