«Բավարիայի» հարձակվող Էրիկ Չուպո-Մոտինգը ռիսկի է դիմում այլևս չխաղալ ընթացիկ մրցաշրջանի մնացած հատվածում:
34-ամյա ֆուտբոլիստը բաց է թողել մյունխենցիների վերջին երկու հանդիպումները, և նրա վերադարձը խաղադաշտ դեռ չի սպասվում։
Լրագրող Մաքսիմիլիան Կոխի խոսքերով, կամերունցին դեռ ցավ է զգում ծնկի շրջանում. միանգամայն հնարավոր է, որ նա չխաղա ընթացիկ մրցաշրջանի մնացած հանդիպումներից ոչ մեկում։
«Բավարիան» գլխավորում է Բունդեսլիգայի մրցաշարային աղյուսակը՝ մեկ միավորով առաջ լինելով Դորտմունդի «Բորուսիայից»:
