«Բավարիան» հետաքրքրված է «Չելսիի» կիսապաշտպան Մեյսոն Մաունթի ծառայություններով, հայտնում է The Athletic-ը:

Աղբյուրի համաձայն՝ անգլիացու տրանսֆերով անձամբ է հետաքրքրված մյունխենցիների գլխավոր մարզիչ Թոմաս Տուխելը։

Հաղորդվում է նաև, որ «Արսենալը», «Լիվերպուլը» և «Մանչեսթեր Յունայթեդը» պատրաստ են պայքարել Մաունթի համար։

Ֆուտբոլիստի պայմանագիրը «Չելսիի» հետ նախատեսված է մինչև 2024 թվականի հունիսը:

Այս մրցաշրջանում ֆուտբոլիստը բոլոր մրցաշարերում անցկացրել է 35 հանդիպում՝ դառնալով 3 գոլի և 6 գոլային փոխանցման հեղինակ:

Transfermarkt-ը 24-ամյա անգլիացուն գնահատում է 65 միլիոն եվրո։