«Բարսելոնայի» հարձակվող Ռաֆինյան ամռանը կարող է հեռանալ թիմից, հայտնում է լրագրող Գաբրիել Սանսը։
Աղբյուրի համաձայն՝ ֆուտբոլիստի ծառայություններով ակտիվորեն հետաքրքրված է «Նյուքասլը», որը պատրաստ է ամռանը բրազիլացու համար վճարել 70 միլիոն եվրո։
Հաղորդվում է, որ շատ հավանական է, որ «Բարսելոնան» կվաճառի իր ֆուտբոլիստին, ակումբը ունի ֆինանսական շատ խնդիրներ։
Նշենք, որ Ռաֆինյան «Բարսելոնա» է տեղափոխվել «Լիդսից» 2022 թվականի ամռանը: Նրա ներկայիս պայմանագիրը նախատեսված է մինչև 2027 թվականի ամառը։
Ֆուտբոլիստի տրանսֆերային արժեքը կազմում է 50 միլիոն եվրո։