Լոնդոնի «Թոթենհեմը» իր պաշտոնական կայքում հայտնել է, որ Անտոնիո Կոնտեն լքել է մարզչի պաշտոնը։
«Անտոնիո Կոնտեն երկկողմանի համաձայնությամբ հեռացավ ակումբից։ Մենք շնորհակալություն ենք հայտնում Անտոնիոյին և մաղթում ամենայն բարիք ապագայում»:
Մինչև մրցաշրջանի ավարտը գլխավոր մարզչի ժամանակավոր պաշտոնակատար է նշանակվել Քրիստիան Ստելլինին։ Նրա օգնականը կլինի Ռայան Մեյսոնը։
Ավելի վաղ հաղորդվում էր, որ իտալացին կարող է հեռանալ անգլիական ակումբից թիմի ֆուտբոլիստների հասցեին հնչող քննադատություններից հետո։
Կոնտեն «Թոթենհեմը» գլխավորում է 2021 թվականի նոյեմբերից։