«Արսենալի» նախկին հարձակվող Ռոբին վան Պերսին կարծում է, որ «զինագործները» կարող են հաղթել Պրեմիեր Լիգայում այս մրցաշրջանում:
«Մրցաշրջանի այս հատվածում յուրաքանչյուր միավոր կարևոր է: «Արսենալը» մի քանի դժվարին հանդիպումներ անցկացրեց, որոնցում նրանք հաղթողի բնավորություն ցույց տվեցին։
Այդպես են խաղում չեմպիոնները, և նրանք դա ապացուցում են: Բայց մրցաշրջանի ավարտը միշտ ամենադժվարն է լինում։
Այնուամենայնիվ կարծում եմ, որ Արսենալը դեռ կհաղթի Պրեմիեր Լիգայում։
Դա վաղուց չի եղել, այնպես որ ես ուրախ կլինեմ, եթե նրանք հասնեն դրան»,- վան Պերսիի խոսքերն է մեջբերում Sky Sports-ը:
«Արսենալը» 28 հանդիպումներից 69 միավորով գլխավորում է Պրեմիեր Լիգայի մրցաշարային աղյուսակը:
