Մադրիդի «Ռեալը» պատրաստ է թիմի հարձակվող Մարկո Ասենսիոյին նոր պայմանագրով տարեկան 4 միլիոն եվրո վճարել։
Ինչպես հայտնում է Marca-ն, մադրիդյան ակումբի ղեկավարությունը ֆուտբոլիստին պայմանագիրը երկարաձգելու առաջարկ է արել մի քանի ամիս առաջ, սակայն ֆուտբոլիստը դեռ չի պատասխանել։ 27-ամյա իսպանացու գործող պայմանագիրը «Ռեալի» հետ նախատեսված է մինչև 2023 թվականի ամառ։
Ասենսիոն ընթացիկ մրցաշրջանում անցկացրել է 18 հանդիպում՝ դառնալով 4 գոլի և 3 գոլային փոխանցման հեղինակ։