Իսպանիայի մրցավարական կոմիտեի փոխնախագահը շանտաժի է ենթարկել «Բարսելոնային».
Ավելի վաղ հաղորդվում էր, որ ակումբը 2016-2018 թվականներին Խոսե Մարիա Էնրիկես Նեգրեյրային վճարել է 1,4 միլիոն եվրո։ Ակումբը պարզաբանել է, որ Իսպանիայի ֆուտբոլի թագավորական ֆեդերացիայի պաշտոնյան վարձատրվել է երիտասարդ խաղացողների և մրցավարության մասին զեկույցների համար։
Այնուհետև պարզվեց, որ Բարսան 2003 թվականից ի վեր Նեգրեյրային վճարել է 4,7 միլիոն եվրո: Ակումբի վճարումները կազմել են նրա ընկերության շրջանառության 95%-ը 2016-ից 2018 թվականներին։ Ավելի ուշ պարզվեց, որ Նեգրեյրան հանդիպումներից առաջ «Բարսային» տրամադրել է մրցավարական հաշվետվություններ:
Ինչպես հայտնում է El Mundo-ն, Խոսե Մարիա Էնրիկես Նեգրեյրան սպառնացել է «Բարսային» բացահայտող տեղեկություններով։
Ըստ El Mundo-ի՝ Խոսե Մարիա Էնրիկես Նեգրեյրան սպառնացել է «Բարսային», որ կբացահայտի նախկին մարզիչ և ակումբի պաշտոնյա Խոսեպ Կոնտրերասին կեղծ խորհրդատվական ծառայությունների դիմաց վճարումները:
Կոնտրերասը եղել է «Բարսելոնա Բ»-ի մարզիչը, ինչպես նաև եղել է ակումբի տնօրենների խորհրդում երեք նախագահների օրոք՝ Խոսե Լուիս Նունեսի, Ժոան Գասպարեի և Խոսեպ Բարտոմեուի գլխավորությամբ: Նա մահացել է 2022 թվականի դեկտեմբերին։
2019 թվականի փետրվարին Նեգրեյրան սպառնացել է Բարտոմեուին, որ ինքը կհրապարակի, որ «Բարսելոնան» Կոնտրերասին վճարել է առնվազն 728,420 եվրո 2015-ից մինչև 2018 թվականներին։
Այս ընկերության կողմից Բարսային տրված 19 հաշիվ-ապրանքագրերը, որոնց հասանելի է El Mundo-ն, կազմել են 29040 եվրո: Դրանցում նշվում է «տարբեր սպորտային և կրթական ծառայությունների մատուցում»։
Ավելի վաղ հայտնի էր դարձել, որ Նեգրեյրան շանտաժի է ենթարկել «Բարսային»՝ ծառայությունների դիմաց վճարների դադարեցման պատճառով, նա սպառնացել է պատմել ակումբի գործողությունների մասին։
