Կատալոնական «Բարսելոնայի» ղեկավարությունը չի հրաժարվել բրազիլական «Ֆլամենգոյի» աջ պաշտպան Ուեսլիին թիմ հրավիրելու մտքից, գրում է Sport.es-ը:
Ֆուտբոլիստի տրանսֆերը «Բարսելոնա» ձախողվել էր ձմեռային տրանսֆերային պատուհանի նախավերջին օրը:
«Ֆլամենգոն» առաջարկել էր 1,5 մլն եվրոյով վարձակալություն՝ հետագայում տրանսֆերը 15 մլն եվրոյի դիմաց գնելու իրավունքով:
Կատալոնական ակումբը չէր ընդունել այդ տարբերակը, այդ պատճառով էլ նրանք կրկին կբանակցեն ամառային տրանսֆերային պատուհանի ժամանակ:
Իսպանիայի ընթացիկ առաջնությունում «Բարսելոնան» մրցաշարային աղյուսակի առաջին տեղում է և մոտական հետապնդող Մադրիդի «Ռեալին» գերազանցում է 5 միավորով:
