Իտալիայի հավաքականի կիսապաշտպան Ժորժինյոն Լոնդոնի «Չելսիից» տեղափոխվել է «Արսենալ», հայտնում է ակումբի մամուլի ծառայությունը:
Պայմանագրի մանրամասները լոնդոնյան ակումբը չի հրապարակել, սակայն ավելի վաղ հաղորդվում էր, որ կողմերը կստորագրեն 1,5 տարվա համաձայնագիր:
«Արսենալը» 31-ամյա ֆուտբոլիստի տրանսֆերի համար «Չելսիին» կվճարի 12 միլիոն ֆունտ ստեռլինգ:
Հիշեցնենք, որ Ժորժինյոն 2018 թվականի հուլիսից էր խաղում «Չելսիում», որի կազմում ընթացիկ մրցաշրջանում մասնակցել է 25 խաղի, խփել երեք գոլ:
