Անգլիայի չեմպիոն «Մանչեսթեր Սիթիի» գլխավոր մարզիչ Խոսեպ Գվարդիոլան գովեստի խոսքեր է ասել Պրեմիեր Լիգայի առաջատար Լոնդոնի «Արսենալը» գլխավորող Միկել Արտետայի հասցեին։
«Վստահ եմ, որ եթե հեռանամ թիմից, Արտետան ինձ փոխարինելու լավագույն թեկնածուն կլինի, կասկած չունեմ։
Այնուամենայնիվ, ես երկարաձգել եմ պայմանագրի ժամկետը»,- կատալոնացի մասնագետի խոսքը մեջբերում է Mirror-ը:
Հիշեցնենք, որ Արտետան 2016-2019 թվականներին Գվարդիոլայի օգնականն էր «Մանչեսթեր Սիթիում»:
Գվարդիոլան 2016 թվականից է գլխավորում անգլիական ակումբը, պայմանագրի ժամկետը կավարտվի 2025 թվականի հունիսի 30-ին:
