Մադրիդի «Ռեալը» ամառային տրանսֆերային պատուհանի ընթացքում կարող է ոչ-մի հարձակվողի հետ պայմանագիր չկնքել։ Հնարավոր է, որ Մարիանո Դիասի և Էդեն Ազարի հավանական հեռանալը նույնիսկ չազդի իրավիճակի վրա։ Այս մասին հայտնում է Diario AS-ը։
Այս առումով գնալով ավելի է մեծանում ղեկավարության ցանկությունը՝ պահել թիմում Մարկո Ասենսիոյին։ Եթե իսպանացին հեռանա, ապա «արքայական ակումբը» ստիպված կլինի դուրս գալ տրանսֆերային շուկա։
Հիշեցնենք, որ Ասենսիոյի պայմանագիրն ավարտվում է մրցաշրջանի վերջում, ուստի ամռանը նա կարող է հեռանալ ազատ գործակալի կարգավիճակով:
