Սաուդյան Արաբիայի կառավարության զվարճանքի բաժնի ղեկավարը Twitter-ում հայտնել է, որ տեղացի գործարարը ՊՍԺ-ի դեմ «Ալ-Նասրի» և «Ալ-Հիլալի» լավագույն ֆուտբոլիստների ընկերական հանդիպման աճուրդում 2,5 մլն․ եվրոյով տոմս է գնել։
Աղբյուրի համաձայն, գումարը կուղղվի Սաուդյան Արաբիայի պետական «Էհսան» բարեգործական կազմակերպությանը։ Գնված տոմսը հնարավորություն է տալիս դիտել հանդիպումը VIP գոտուց, ներկա գտնվել մրցանակաբաշխությանը, գնալ թիմի հանդերձարաններ և զրուցել ֆուտբոլիստների հետ։
Խաղը կկայանա հունվարի 19-ին, արաբական ակումբների աստղերից կազմված թիմի ավագը կլինի Կրիշտիանու Ռոնալդուն։