Fastex Հայաստանի Պրեմիեր Լիգայի գործող չեմպիոն Երևանի «Փյունիկի» գլխավոր մարզիչ Եղիշե Մելիքյանը խոսել է ուկրաինացի մասնագետ Ալեքսանդր Պետրակովի՝ Հայաստանի ազգային հավաքականը գլխավորելու մասին:
«Ինչ վերաբերում է Պետրակովի՝ Հայաստանի հավաքականում նշանակվելուն, ապա այստեղ նա հայտնվեց բարդ իրավիճակում, և ժամանակը ցույց կտա, թե որքանով նա կկարողանա հաղթահարել մարտահրավերները։ Նրան հաջողություն եմ մաղթում Հայաստանի հավաքականի հետ աշխատանքում։ Թիմը լուրջ խնդիրներ ունի պարտությունների հետ կապված, այդ պատճառով թիմը հոգեբանական վիճակը թույլ է տալիս մաղթել լավագույնը։ Գումարած՝ Եվրոպայի առաջնության ընտրական շատ կարևոր խաղ կա Թուրքիայի դեմ: Հայաստանի ֆուտբոլի ֆեդերացիան շատ ուշացրեց այս նշանակումը՝ թույլ չտալով Պետրակովին պաշտոնական խաղերին պատրաստվելու ժամանակի լիարժեք պաշար ունենալ։
Ճանաչելով Հայաստանի հավաքականի ֆուտբոլիստներին՝ կարող եմ ասել, որ նրանք շատ դաստիարակված մարդիկ են և մեծ պրոֆեսիոնալներ, գիտեն հարգանքով վերաբերվել գլխավոր մարզչին։ Հայաստանի հավաքականում բոլորը մտածում են արդյունքի ու թիմային աշխատանքի մասին։ Եթե Պետրակովը ճկուն լինի ու հարգանք ցուցաբերիի ֆուտբոլիստների նկատմամբ, կարծում եմ, որ նա խնդիրներ չի ունենա։ Պետրակովը փորձառու մարզիչ է, և ես կարծում եմ, որ նա պետք է գլուխ հանի»,- Մելիքյանի խոսքը մեջբերում է sport.ua-ն: