Իտալական «Միլանի» շվեդ հարձակվող Զլատան Իբրահիմովիչը հայտարարել է, որ, չնայած ծանր վնասվածքին, չի ցանկանում ավարտել մրցելույթները։

«Ես շուտով կվերադառնամ։ Չեմ պատրաստվում ավարտել կարիերաս։ Ես կվերադառնամ ու չեմ հանձնվի»,- 40-ամյա շվեդ հարձակվողի խոսքը մեջբերում է La Gazzetta dello Sport-ը։

Հավելենք, որ Իբրահիմովիչը ծնկի վիրահատության է ենթարկվել և շարունակում է վերականգնողական գործընթացը։

Սպասվում է, որ շվեդ հարձակվողը շարք կվերադառնա 2023 թվականի հունվարին։