Մադրիդի «Ռեալի» կիսապաշտպան Դանիել Սեբալյոսն առաջիկայում կարող է համալրել «Ռոմայի» շարքերը, հայտնում է Sport.es-ը:
Ըստ աղբյուրի՝ իսպանացի ֆուտբոլիստի ծառայություններով անձամբ Ժոզե Մոուրինյոն է հետաքրքրված: 25-ամյա ֆուտբոլիստն իր հերթին դեմ չէ լքել «արքայական» ակումբը:
Հաղորդվում է, որ Սեբալյոսի ճակատագիրն այժմ «Ռեալի» գլխավոր մարզիչ Կառլո Անչելոտտիի ձեռքերում է:
Եթե Անչելոտտին հրաժարվի Սեբալյոսի ծառայություններից, ապա «սերուցքայինները» պատրաստ կլինեն նրա տրանսֆերը զիջել 20 միլիոն եվրոյի դիմաց: