Իտալական «Ռոմայի» արգենտինացի հարձակվող Պաուլո Դիբալան կարող է հեռանալ հռոմեական ակումբից, եթե թիմն ընթացիկ մրցաշրջանի արդյունքներով չնվաճի Չեմպիոնների Լիգայի ուղեգիր, հայտնում է La Gazzetta dello Sport-ը:
Կողմերի միջև կնքված պայմանագրում կետ կա, ըստ որի, եթե «Ռոման» չնվաճի Չեմպիոնների Լիգայի ուղեգիր, ապա ֆուտբոլիստը կարող է հեռանալ թիմից 20 միլիոնի դիմաց:
Ընթացիկ մրցաշրջանում Պաուլո Դիբալան «Ռոմայի» կազմում մասնակցել է 12 խաղի, խփել 7 գոլ, կատարել 2 արդյունավետ փոխանցում:
Transfermarkt-ը 30 միլիոն եվրո է գնահատում նրա տրանսֆերային արժեքը:
