Կատալոնական «Բարսելոնայի» լեհ հարձակվող Ռոբերտ Լևանդովսկին որակազրկվել է Իսպանիայի առաջնության 3 խաղով, հայտնում է Marca-ն:
Նման որոշում կայացվել է Լա Լիգայի 14-րդ տուրում կայացած «Օսասունայի» դեմ խաղում (2-1) 34-ամյա ֆուտբոլիստի ստացած կարմիր քարտի պատճառով:
Հանդիպման 31-րդ րոպեին երկրորդ դեղին քարտը ստանալուց հետո Լևանդովսկին, հայհոյել է մրցավարին:
Այսպիսով՝ նա չի խաղա «Էսպանյոլի» (դեկտեմբերի 31), Մադրիդի «Ատլետիկոյի» (հունվարի 8) և «Բետիսի» (հունվարի 14) դեմ խաղերում: