«Աթլետիկո Պարանաենսեի» գլխավոր մարզիչ Լուիս Ֆելիպե Սկոլարին հայտարարել է մարզչական կարիերան ավարտելու մասին:
«Ես շատ երջանիկ էի: Ֆուտբոլն իմ կյանքն էր, և ամեն ինչ շատ լավ ավարտվեց: Ես զգացել եմ այն ամենը, ինչին չէի սպասում, որ կհասնեմ ֆուտբոլում»,- 74-ամյա բրազիլացի մասնագետի խոսքը մեջբերում է Globo-ն:
Հիշեցնենք, որ Սկոլարիի գլխավորությամբ 2002 թվականին Բրազիլիայի հավաքականը պատմության մեջ 5-րդ անգամ հռչակվել էր աշխարհի չեմպիոն:
Բրազիլացի մասնագետը գլխավորել էր նաև Լոնդոնի «Չելսին», և Պորտուգալիայի հավաքականը:
