Ազգերի Լիգայի խմբային փուլի 5-րդ տուրի խաղում Ֆրանսիայի հավաքականը 2:0 հաշվով հաղթեց Ավստրիայի ընտրանուն:
Հարձակվող Անտուան Գրիզմանը մեկնարկային րոպեներից մասնակցեց հանդիպմանը: Նրա համար այս խաղը 109-րդն էր ազգային հավաքականի մարզաշապիկով։
Այս ցուցանիշով հարձակվողը շրջանցել է Ֆրանսիայի ընտրանու լեգենդ Զինեդին Զիդանին (108) և ընդհանուր ցուցակում բարձրացել է 6-րդ հորիզոնական։
Ընդ որում՝ այս խաղը Գրիզմանի համար 66-րդն էր անընդմեջ։ Նա Ֆրանսիայի հավաքականի կազմում անընդմեջ խաղադաշտ է դուրս գալիս 2017 թվականից։