«Ատլետիկոյի» նախագահ Էնրիկե Սերեսոն ասել է, որ չի խնդրել մարզչական շտաբին հարձակվող Անտուան Գրիզմանին խաղադաշտ դուրս բերել 60-րդ րոպեից հետո:
«Արդյոք կա՞ հրահանգ 60-րդ րոպեից հետո բաց թողնել Գրիզմանին: Անտուանը հիանալի ֆուտբոլիստ է, և ես շատ ուրախ եմ, որ նա մեզ հետ է: Նա հիանալի մարդ է, և ես Գրիզմանի հետ հիանալի փոխհարաբերություններ ունեմ։ Ես երբեք չեմ խառնվում կազմի հետ կապված հարցերին և նման բաներին»,- Սերեսոյի խոսքերն է մեջբերում AS-ը։
Ավելի վաղ հաղորդվում էր, որ մադրիդյան ակումբը հարձակվողին փոխարինման է դուրս բերում միայն 60-րդ րոպեից հետո, որպեսզի «Բարսելոնային» ֆրանսիացու տրանսֆերի համար 40 միլիոն եվրո չվճարի։
