Կիսապաշտպան Սեսկ Ֆաբրեգասը միացել է «Կոմոյին»: Իսպանիայի հավաքականի նախկին ֆուտբոլիստը 2 տարվա պայմանագիր է կնքել։
Բուժզննում անցնելուց հետո տեղի է ունեցել պաշտոնական մամուլի ասուլիս, որին ներկայացվել է 35-ամյա ֆուտբոլիստը։ Ֆաբրեգասը «Կոմոյում» ընտրել է 4 համարի մարզաշապիկը։
Կիսապաշտպանի վերջին ակումբը եղել է «Մոնակոն», որը նա լքել է պայմանագրի ավարտի պատճառով՝ հունիսի 30-ին: Հիշեցնենք, որ «Կոմոն» հանդես է գալիս իտալական Բ Սերիայում։