«Բարսելոնայի» նորեկ Ռոբերտ Լևանդովսկին կիսվել է գալիք մրցաշրջանից ունեցած սպասելիքներով։
«Ես միշտ մտածում եմ հաղթելու և գոլ խփելու մասին: Կարևոր չէ, թե որ մրցաշարում դա կլինի: Ես միշտ փորձում եմ անել առավելագույնը:
Ամենակարևորն այն է, թե ինչ ենք անում որպես թիմ։ Այս թիմը մեծ ներուժ ունի։
Մեզ համար յուրաքանչյուր նախամրցաշրջանային խաղ կարևոր է մրցաշրջանին լավ պատրաստվելու համար։ Մենք պետք է փորձենք անել առավելագույնը.
Մենք պատրաստ ենք հաղթելու: Պետք է հաղթել յուրաքանչյուր խաղում, նույնիսկ ընկերական խաղերում:
Երբ խաղում ես «Բարսելոնայում», միշտ մտածում ես տիտղոսներ նվաճելու մասին»,- Լևանդովսկու խոսքերն է մեջբերում Marca-ն։
