«Ռեալի» երկրպագուները դիմել են ակումբի նախագահ Ֆլորենտինո Պերեսին՝ խնդրելով թիմ վերադարձնել «Մանչեսթեր Յունայթեդի» հարձակվող Կրիշտիանու Ռոնալդուին՝ թույլ չտալով նրան միանալ Մադրիդի «Ատլետիկոյին», հայտնում է AS-ը։
Աղբյուրի համաձայն՝ հուլիսի 21-ին Պերեսը ներկա է գտնվել «Ռեալի» մարզմանը և որոշ ժամանակ ինքնագրեր է ստորագրել։ Այդ պահին երկրպագուներից մեկը նրան խնդրել է բոլոր ջանքերը գործադրել Ռոնալդուին վերադարձնելու համար։
«Խնդրում եմ վերադարձնել Կրիշտիանուին։ Այնպես արեք, որ նա չտեղափոխվի «Ատլետիկո», – ասել է երկրպագուն:
Պերեսը չի արձագանքել խնդրանքին, սակայն նշվում է, որ մյուս երկրպագուները ևս միացել են կոչին: