«Բարսելոնան» դադարեցրել է բանակցությունները «Չելսիի» պաշտպան Սեզար Ասպիլիկուետայի հնարավոր տեղափոխության շուրջ, հայտնում է Sport.es-ը:
Լոնդոնյան ակումբը պնդում է, որ պաշտպանի պայմանագիրն ավտոմատ կերպով երկարաձգվել է ևս մեկ մրցաշրջանով և չի ցանկանում նրան բաց թողնել։ Այդ պատճառով Ասպիլիկուետայի տրանսֆերային գինը բարձր է, «Բարսան» պատրաստ չէ բավարարել «Չելսիի» ֆինանսական պահանջները:
Այսպիսով, կատալոնացիների գլխավոր թիրախը շարունակում է մնալ «Չելսիի» մեկ այլ պաշտպան Մարկոս Ալոնսոն:
