Իսպանացի կիսապաշտպան Սեսկ Ֆաբրեգասը, ով հունիսի վերջին կլքի «Մոնակոն», խոստովանել է, որ չի ցանկանում ավարտել պրոֆեսիոնալ կարիերան։
«Վերջին մի քանի օրվա ընթացքում ինձ երկու-երեք անգամ զանգահարել են նախկին մարզիչները՝ պարզելու, թե ինչ եմ ուզում անել հետո: Նրանք առաջարկել են իրենց միանալ ամռանը որպես մարզիչ, եթե նման ցանկություն ունենամ։
Իմ պայմանագիրը «Մոնակոյի» հետ ավարտվում է հունիսին, և ես նոր մարտահրավեր եմ փնտրում։ Պետք է ինչ-որ նոր բան սկսել: Ես ուզում եմ շարունակել խաղալ: Ես շնորհակալ եմ իմ կարիերայի համար, բայց չեմ զգում, որ այն ավարտված է»,- իսպանացու խոսքերն է մեջբերում As-ը:
