«Անտվերպենը» հայտարարել է Մարկ վան Բոմելին թիմի գլխավոր մարզիչ նշանակելու մասին։

Ինչպես հայտնում է բելգիական ակումբի մամուլի ծառայությունը՝ 45-ամյա մասնագետի հետ պայմանագիրը նախատեսված է 2 մրցաշրջանով։

2021 թվականի հոկտեմբերին Վան Բոմելը հեռացվեց «Վոլֆսբուրգից»: Հոլանդացին թիմը մարզում էր 2021 թվականի հունիսից։ Հրաժարականի պահին թիմը Գերմանիայի առաջնության մրցաշարային աղյուսակում 7 խաղում 13 միավորով զբաղեցնում էր 7-րդ տեղը։