«Միլանի» հարձակվող Զլատան Իբրահիմովիչը պատրաստ է նոր պայմանագիր կնքել իտալական ակումբի հետ, հայտնում է Calciomercato-ն։
40-ամյա շվեդը ցանկանում է ևս մեկ մրցաշրջան խաղալ, սակայն վերջնական որոշում դեռ չի կայացրել։
Առաջիկա շաբաթների ընթացքում Զլատանը հետազոտության կենթարկվի, որից հետո պարզ կդառնա՝ արդյոք նա վիրահատության կարիք ունի, թե ոչ։
Եթե դրա կարիքը չլինի, ապա Իբրահիմովիչը կերկարաձգի պայմանագիրը մինչեւ 2023 թվականի ամառ։
Այս մրցաշրջանում Իբրահիմովիչը «Միլանի» կազմում բոլոր մրցաշարերում խփել է ութ գոլ և կատարել երեք գոլային փոխանցում:
«Ռոսոներիների» կազմում նա նաև դարձավ Իտալիայի չեմպիոն։
