«Ռոմայի» պորտուգալացի գլխավոր մարզիչ Ժոզե Մոուրինյոն «Ֆեյենորդի» դեմ Կոնֆերենցիաների Լիգայի եզրափակիչից առաջ կայացած նախախաղային ասուլիսի ժամանակ հայտնել է, որ թիմի հայ կիսապաշտպան Հենրիխ Մխիթարյանը կմասնակցի այսօրվա հանդիպմանը:
«Հենրիխն առաջին մարզումն անցկացրեց ընդհանուր խմբի հետ Տրիգորիայում, դա կարևոր էր նրա համար, ես վստահում եմ Մխիթարյանի փորձին: Նա ավելի լավ գիտի իր մարմինը: Մարզման ավարտին ինձ ասաց, որ պատրաստ է, ամենայն հավանականությամբ Հենրիխը կխաղա»,- Մոուրինյոյի խոսքն է մեջբերում Football Italia-ն:
ՈՒԵՖԱ-ի Կոնֆերենցիաների Լիգայի խաղարկության եզրափակիչը կկայանա այսօր Ալբանիայի մայրաքաղաք Տիրանայում՝ «Էյր Ալբանիա» մարզադաշտում: Հանդիպումը կմեկնարկի 23:00-ին:
