Մադրիդի «Ռեալի» դարպասապահ Տիբո Կուրտուան «Լիվերպուլի» հետ Չեմպիոնների Լիգայի եզրափակչի նախօրեին հայտարարել է, որ լավագույններից մեկն է աշխարհում։
«Սա բազմամյա աշխատանքի արդյունք է։ Երկու տարի է՝ ինչ ես գերազանց մակարդակի վրա եմ։ Սա իմ անցկացրած լավագույն մրցաշրջաններից մեկն էր։
Այո, ես լավագույններից մեկն եմ աշխարհում»,- Կուրտուայի խոսքերն է մեջբերում Sport.es-ը:
Տիբո Կուրտուան ընթացիկ մրցաշրջանում բոլոր ակումբային մրցաշարերում անցկացրել է 50 հանդիպում և բաց թողել 46 գոլ:
Չեմպիոնների Լիգայի եզրափակիչը կկայանա մայիսի 28-ին։