Ֆրանկֆուրտի «Այնտրախտի» կիսապաշտպան Ֆիլիպ Կոստիչը կարող է տեղափոխվել «Թոթենհեմ»։ Այս մասին հայտնում է Daily Express-ը։
Աղբյուրի համաձայն՝ Կոստիչի տրանսֆերով անձամբ հետաքրքրված է «խցանների» գլխավոր մարզիչ Անտոնիո Կոնտեն։
Այս մրցաշրջանում 29-ամյա ֆուտբոլիստն «Այնտրախտի» կազմում անցկացրել է 43 հանդիպում՝ դառնալով 7 գոլի և 15 գոլային փոխանցման հեղինակ։ Սերբ կիսապաշտպանի տրանսֆերային արժեքը գնահատվում է 20 միլիոն եվրո։
Հիշեցնենք, որ Ֆիլիպ Կոստիչը ճանաչվել է Եվրոպա Լիգայի 2021/22 մրցաշրջանի լավագույն ֆուտբոլիստ։