Հարձակվող Պաուլո Դիբալան կարող է հեռանալ «Յուվենտուսից», տեղեկացնում է Goal.com-ը:
Արգենտինացի ֆուտբոլիստի գործող պայմանագրի ժամկետը ակումբի հետ լրանում է այս ամառ, և հարձակվողի ներկայացուցիչները պետք է հինգշաբթի օրը ժամանեն Թուրին՝ քննարկելու համար նոր համաձայնագիր կնքելու հարցը:
Սակայն «Յուվենտուսը» Դիբալային առաջարկում է աշխատավարձի կրճատում նոր պայմանագրով, ինչը չի գոհացնում 28-ամյա խաղացողին: «Ինտերը», «Բարսելոնան» և «Ատլետիկոն» հետաքրքրված են Պաուլոյի ծառայություններով, ուստի «Յուվենտուսը», հասկանալով, որ չի կարող մրցել այդ ակումբների հետ, կարող է հրաժարվել Դիբալայի հետ նոր պայմանագրից:
