«Ռեալի» դարպասապահ Տիբո Կուրտուան խոսել է Չեմպիոնների Լիգայի 1/8 եզրափակչի ՊՍԺ-ի հետ դիմակայության մասին։
«Իմ գլխավոր երազանքը «Ռեալի» հետ Չեմպիոնների Լիգայում հաղթելն է: Սակայն ես տարված չեմ դրանով: Ես նվաճեցի կարևոր գավաթներ, դարձա Անգլիայի և Իսպանիայի չեմպիոն։
ՊՍԺ-ն ուժեղ մրցակից է, սա իսկական դիմակայություն է լինելու: Դա վաղաժամ եզրափակիչ կլինի: Սակայն «Ռեալը» լավ մակարդակի վրա է, և ես կարծում եմ, որ կարող է ավելի առաջ գնալ:
Այսպիսի խաղերում ամեն ինչ կորոշեն սեյվի կամ գոլի նման մանրուքները: Գլխավորը կենտրոնացած մնալն է, թիմային աշխատանքը, առողջական խնդիրներ չունենալը»,- բելգիացի ֆուտբոլիստին է ցիտում As-ը:
