Ֆրանսիացի նախկին կիսապաշտպան Սամիր Նասրին պատմել է, որ Ռոբերտո Մանչինին իրեն հրավիրել է «Զենիթ»։
«Չնայած մեր կոնֆլիկտին «Մանչեսթեր Սիթիում, նա փորձեց ինձ բերել և՛ «Ինտեր», և՛ «Զենիթ»:
Մանչինին չի հանդուրժում խաբեբա մարդկանց, նա գնահատում է անկեղծությունը։ Ես ոչ մի խնդիր չունեի, այդ կոնֆլիկտից հետո մենք միշտ նրա հետ լավ ենք եղել»,- ասել է Նասրին Canal +-ին տված հարցազրույցում:
Նույն հարցազրույցում ֆրանսիացին խոսել է Մանչինիի հետ կոնֆլիկտի մասին։
«Մանչինին վիճեց ինձ հետ առաջին խաղակեսում: Ես խնդրեցի նրան դադարեցնել։ Եթե գոհ չես, փոխարինիր ինձ։
Ընդմիջմանը պատրաստվում էի երկրորդ խաղակեսին։ Հանելով խաղակոշիկներս՝ կողքիս նստած Յայա Տուրեին ասացի, որ դրանք Մանչինիի ուղղությամբ կնետեմ, եթե նա նորից ինձ հետ այդպես խոսի, քանի որ Ռոբերտոն անհարգալից վերաբերմունք էր ցուցաբերում խաղացողների նկատմամբ։ Մենք կռվեցինք, ես նրան վերջին խոսքերն ասացի։
Հաջորդ օրը ես գնացի Փարիզ, իսկ երկու օր անց մնացի պահեստայինների նստարանին «Մանչեսթեր Յունայթեդի» հետ հանդիպմանը։ «Մանչեսթեր Սիթիի» նախագահը եկավ Աբու Դաբիից և ցանկացավ տեսնել մեզ։ Նա Մանչինիին ասել էր, որ եթե ես լավ մարզավիճակում լինեմ, մենք կհաղթենք։
Ես վերադարձա թիմ, Ռոբերտոն ինձ դիմավորեց մասնավոր ինքնաթիռով, որը նա վարձել էր ինձ համար, որպեսզի կարողանամ վերադառնալ Փարիզից»,- ասել է Նասրին։
