ՈւԵՖԱ-ն սկսել է Չեմպիոնների Լիգայի խմբային փուլի 6-րդ տուրի լավագույն խաղացողի ընտրության համար քվեարկությունը։
Հավակնորդների ցանկում ընդգրկված է 4 խաղացող.
«Լիլ»-ի կիսապաշտպան Ջոնաթան Իկոնեն «Վոլֆսբուրգ»-ի դեմ խաղում (3:1) կատարել է 2 գոլային փոխանցում:
«Վիլյառեալի» կիսապաշտպան Արնո Դանժուման «Ատալանտայի» դեմ խաղում (3:2) 2 գոլ է խփել:
«Ատլետիկոյի» հարձակվող Անտուան Գրիզմանը «Պորտուի» դեմ հանդիպմանը (3:1) դարձել է գոլի և ասիստի հեղինակ։
ՊՍԺ-ի հարձակվող Կիլիան Մբապպեն դուբլի հեղինակ է դարձել և գոլային փոխանցում կատարել «Բրյուգեի» դեմ խաղում (4:1):