«Բարսելոնայի» հարձակվող Անտուան Գրիզմանը, որը վարձավճարով հանդես է գալիս «Ատլետիկոյում», մեկնաբանել է կատալոնական ակումբի՝ Չեմպիոնների Լիգայից դուրս մնալը:
«Դա զարմանալի է, քանի որ «Բարսելոնան» միշտ եղել է Չեմպիոնների Լիգայում և երկար տարիներ անընդմեջ դուրս է եկել փլեյ-օֆֆ:
Շատ բան է փոխվել։ Լեո Մեսսին չկա, նա շատ կարևոր էր թիմի համար. Հետո մարզիչը փոխվեց… Պետք է համբերատար լինել և վստահել նրանց, ովքեր աշխատում են ակումբում»,- ասել է Գրիզմանը Movistar-ին տված հարցազրույցում:
Հիշեցնենք, որ մրցաշրջանի վերջում «Ատլետիկոն» իրավունք կունենա գնել ֆրանսիացու տրանսֆերը «Բարսայից»: Դրա համար մադրիդյան ակումբին անհրաժեշտ կլինի վճարել 40 մլն եվրո։
Այս մրցաշրջանում 30-ամյա խաղացողը «Ատլետիկոյի» կազմում անցկացրել է 20 խաղ բոլոր մրցաշարերում, խփել 7 գոլ և կատարել 2 գոլային փոխանցում։