Չեմպիոնների Լիգայի խմբային փուլի հանդիպումներին մասնակցած ֆուտբոլիստներից ամենաբարձր արագությունը գրանցել է «Ատալանտայի» կիսապաշտպան Ալեքսեյ Միրանչուկը:

Երեկ «Մանչեսթեր Յունայթեդի» դեմ խաղի դրվագներից մեկում ռուսաստանցին զարգացրել է 38.6 կմ/ժ արագություն: Սա լավագույն արդյունքն է Չեմպիոնների Լիգայի ընթացիկ խաղարկությունում։ Նույն արագությունը կարողացավ զարգացնել «Շախտյորի» կիսապաշտպան Մարկոս ​​Անտոնիոն։

Նշենք, որ Միրանչուկը Ա Սերիայի ակումբի միակ խաղացողն է վարկանիշի լավագույն 10-ում:

Վարկանիշում հաջորդը հետևյալ խաղացողներն են՝ Վինիսիուս Ժունիոր («Ռեալ», 38,5 կմ/ժ), Մարիո Էրմոսո («Ատլետիկո», 38,3 կմ/ժ), Մեշակ Էլիա («Յանգ Բոյզ», 37,8 կմ/ժ), Չանսել Մբեմբա («Պորտու», 36,7 կմ/ժ), Նուսսայիր Մազրաուրի («Այաքս», 36,5 կմ/ժ), Կինգսլի Կոման («Բավարիա», 35,7 կմ/ժ), Մումի Նգամալե («Յանգ Բոյզ», 35,5 կմ/ժ), Յանիկ Ֆերեյրա Կարասկո («Ատլետիկո», 35,5 կմ/ժ):