Մադրիդի «Ռեալը» Չեմպիոնների Լիգայի խմբային փուլի 3-րդ տուրում ջախջախեց Դոնեցկի «Շախտյորին» (5:0):
Խաղի վերջին գոլը խփեց հարձակվող Կարիմ Բենզեման, ում համար այն 290-րդն էր «Արքայական» ակումբի կազմում:
«Ռեալի» պատմության լավագույն ռմբարկուների ցանկում ֆրանսիացին հավասարվել է Սանտիլյանային (290 գոլ) և նրա հետ կիսում է 4-րդ հորիզոնականը:
Նրանցից շատ «սերուցքայինների» կազմում միայն Ալֆրեդո դի Ստեֆանոն (308), Ռաուլը (323) և Կրիշտիանու Ռոնալդուն (450) են խփել:
